loader
ጥንቃቄ!

ጥንቃቄ!

ቅዳሜ ሰኔ 16 ቀን 2010 ዓ.ም. በመስቀል አደባባይ ለጠቅላይ ሚኒስትር ዓብይ አህመድ (ዶ/ር) በተዘጋጀው የድጋፍና የምሥጋና ሥነ ሥርዓት ላይ በተፈጸመው የቦምብ ጥቃት ሕይወታቸው ላለፈ ወገኖች ሐዘናችንን እየገለጽን ለቤተሰቦች መፅናናትን፣ ጉዳት የደረሰባቸው ደግሞ በፍጥነት እንዲያገግሙ መልካም ምኞታችንን እንገልጻለን፡፡ ይህ ዓይነቱ የአውሬነት ድርጊት ዳግም እንዳይፈጸም በአፅንኦት እናሳስባለን፡፡ በወቅቱ በተፈጸመው የቦምብ ጥቃት ላይ ምርመራ ተጀምሯል፡፡ ምርመራው በኢትዮጵያዊያን የመስኩ ባለሙያዎችና በአሜሪካ የፌዴራል ምርመራ ቢሮ (ኤፍቢአይ) ጭምር እየተከናወነ ነው፡፡ የምርመራውን አጠቃላይ አፈጻጸም ለባለሙያዎች በመተው፣ ጥንቃቄ ላይ እናተኩራለን፡፡ የቅዳሜው የቦምብ ጥቃት የሚጠቁማቸው ብዙ ነገሮች አሉ፡፡ ከእነዚህም መካከል አንዱና ዋነኛው በዕለቱ ነበረ የተባለው የደኅንነት ክፍተት ነው፡፡ ይህ ክፍተት የተፈጠረው ሆን ተብሎ? በቸልተኝነት? ወይስ ለጥንቃቄ የተሰጠው ቦታ አናሳ በመሆኑ ነው? ሚሊዮኖች በተሰባሰቡበት ሥነ ሥርዓት ላይ የነበረው ፍተሻም ከዚህ በፊት ከነበሩት የላላ እንደነበር፣ ጠቅላይ ሚኒስትሩና እንግዶች በነበሩበት መድረክና በሠልፉ ተሳታፊዎች መካከል የነበረው ርቀት በጣም የተቀራረበ ስለመሆኑ ብዙ ተብሏል፡፡ በዚህ ዓይነቱ ግራ በሚያጋባ ሁኔታ ቦምብን የሚያህል ነገር ተወርውሮ፣ በጠቅላይ ሚኒስትሩም ሆነ በበርካታ ዜጎች ላይ ግድያ ቢፈጸም ኖሮ ሊደርስ የሚችለው መጠነ ሰፊ ጥፋት ይዘገንናል፡፡ የጥንቃቄ ጉዳይ ትኩረት የሚያስፈልገው ለዚህ ነው፡፡

በኢትዮጵያ እየተከናወነ ያለውን የለውጥ እንቅስቃሴ የማይፈልጉና ጥቅማቸው እንደሚነካባቸው በሚሠጉ፣ ወይም ራሳቸውን የለውጡ አካል አስመስለው የተለየ ፍላጎት በሚያራምዱ፣ እንዲሁም ባኮረፉ አካላት ሳይቀር የተፈጠረውን ክፍተት  በመጠቀም ጥቃት ሊፈጸም እንደሚችል መጠርጠር ይገባል፡፡ ሕዝብ ከዳር እስከ ዳር በአንድነት ቆሞ ለጠቅላይ ሚኒስትሩ ድጋፉን ሲገልጽ፣ የኢትዮጵያን አንድነትና ጥንካሬ የማይፈልጉ ኃይሎች ድርሻም መዘንጋት የለበትም፡፡ ሕዝቡን በብሔርና በእምነት ለመከፋፈል ከሚያሰፈስፉ ጀምሮ፣ ልዩነቶችን በማጦዝ ለውጡን ለማደናቀፍ የሚተጉም እንዳሉ ማስታወስ ተገቢ ነው፡፡ ወዳጅ ያሉት ጠላት እንደሚሆንም መገንዘብ ብልህነት ነው፡፡ የፀጥታና የደኅንነት ክፍተቱን በሚገባ የሚያውቁና የተጀመረውን ለውጥ ለማጨናገፍ የተለየ ዓላማ ያላቸው አይኖሩም ማለት ደግሞ የዋህነት ነው፡፡ አሁን ዋናው ጉዳይ ጥንቃቄን በተመለከተ መሆን አለበት፡፡ ጠቅላይ ሚኒስትሩ በተቻለ መጠን በልዩ ልዩ ሥፍራዎች የሚያደርጓቸውን እንቅስቃሴዎች ከአደጋ ነፃ ለማድረግ የፀጥታና የደኅንነት መዋቅሩን ማፅዳትና ማደራጀት፣ ለበለጠ አደጋ ሊያጋልጡ የሚችሉ ክፍተቶችን በመድፈን የለውጥ ሥራዎች ላይ ማተኮር ይኖርባቸዋል፡፡ ጥንቃቄ በሌለበት አንድ ዕርምጃ መራመድም አይቻልምና፡፡

የበቀደሙ የቦምብ ጥቃት ከበስተጀርባው ብዙ ጥያቄዎች ይነሱበታል፡፡ እነዚህ ጥያቄዎች ምላሽ የሚያገኙት በተጠናከረ የምርመራ ሥልት እንደሆነ ግልጽ ነው፡፡ እስከዚያው ድረስ ግን ጠቅላይ ሚኒስትሩ ብዙዎችን ሥጋት ውስጥ ከሚከቱ የአደጋ ቀጣናዎች ራሳቸውን እየጠበቁ፣ አገሪቱን ወደ አደጋ ሊመልሱ የሚችሉ ድርጊቶች እንዳይከሰቱ ጥንቃቄ ቢያደርጉ ይመከራል፡፡ በውትድርናና በደኅንነት ተቋማት ውስጥ በከፍተኛ ኃላፊነት አገልግሎት ለሰጠ ሰው ይኼንን አድርግ፣ ያንን አታድርግ ብሎ ማሳሰብ የዋህነት ወይም አላዋቂነት ቢመስልም፣ እያንዳንዱ ዕርምጃ በጥናትና በስክነት ሊከናወን እንደሚገባ ሐሳብ ማቅረብ ግን ተገቢ ነው፡፡ ጠቅላይ ሚኒስትሩ ፍቅር እንደሚያሸንፍ በተደጋጋሚ ተናግረዋል፡፡ ፍቅር ማሸነፍ የሚችለው ግን ጥንቃቄ ሲታከልበት ነው፡፡ ተጠርጥረው በቁጥጥር ሥር ከዋሉም ሆነ ከሌሎች በምርመራ ወቅት የሚገኘው መረጃ ወይም ፍንጭ ለጥንቃቄ እጅግ በጣም ጠቃሚ ስለሚሆን፣ ለስሜታዊነት ክፍተት መስጠት ተገቢ አይደለም፡፡ ለጠቅላይ ሚኒስትሩ ከፍተኛ ድጋፍ እየሰጡ ያሉ ወገኖችም ከስሜታዊነትና ከመላምቶች በመላቀቅ ጠቃሚ መረጃዎችንና ማስረጃዎችን ማቅረብ ይጠበቅባቸዋል፡፡ የተጀመረው ለውጥ ስኬታማ የሚሆነው ማስተዋልና ማገናዘብ ገዥ ሲሆኑ ብቻ ነው፡፡ ስሜታዊነትና ግብታዊነት ለውጡን ለማደናቀፍ ካልሆነ በስተቀር ፋይዳ የላቸውም፡፡ እያንዳንዱ ዕርምጃ ጥንቃቄ ያስፈልገዋል፡፡

እዚህ ላይ አፅንኦት ሊሰጠው የሚገባው መሠረታዊ ጉዳይ ለውጡ ያስፈለገበት ምክንያት ነው፡፡ እንደሚታወቀው በሺዎች ለሚቆጠሩ እስረኞች ክስ ማቋረጥ፣ የፀና የመጨረሻ የሞት ፍርድና ቅጣት የተወሰነባቸውን ወገኖች ጨምሮ ለብዙ ሺሕ ፍርደኞች ከእስር ቤት እንዲወጡ ማድረግ፣ እንዲሁም እየተረቀቀ ላለው አዲስ የምሕረት አዋጅ መውጣት መንስዔ የሆነው በኢትዮጵያ የሕግ፣ የፍትሕና የዳኝነት ሥርዓት ውስጥ የታየው የከፋ ፖለቲካዊ ገመና ነው፡፡ ሕግና ፍትሕ ለመንግሥታዊ አመፅ፣ በደልና የግፍ ዱላ ሆኖ በማገልገሉ ነው፡፡ እስራት፣ ክስና ፍርድ እንደ ልቦለድ እየተደረሰ የሚከናወን በመሆኑ ነው፡፡ ገለልተኛና ኢወገናዊ ያልሆነ የመንግሥት አውታር ባለመገንባቱ ነው፡፡ ከኢሕአዴግ ውስጥ የተፈለቀቀውና በጠቅላይ ሚኒስትር ዓብይ የሚመራው የለውጥ ኃይል፣ በተለይም የገዥው ፓርቲ ዋና ችግር የሆነውን ወደ ተፎካካሪነት የመለወጥና ይህ የሚጠይቀውን አስተሳሰብ፣ ምግባርና ጨዋነት ማስያዝና በሕግ ውስጥ ማጠር ደግሞ ከመላው የኢትዮጵያ ሕዝብ ፍላጎት ጋር የተገናኘ ታላቅ ዕርምጃ ነው፡፡ የሰኔ 16 ቀን 2010 ዓ.ም. የድጋፍ ሠልፍም የዚህ መግለጫ ነበር፡፡ ይህንን የሕዝብ ፍላጎት ከግብ ለማድረስ ጥንቃቄ አስፈላጊ ነው፡፡

የቦምብ ጥቃቱ ይኼንን ተስፋ የሚቀናቀን መሆኑን በመገንዘብ፣ በጥቃቱ የተጠረጠሩ ሰዎች ጉዳይ አንዱ መፈተኛ ይሆናል፡፡ በኢትዮጵያ ምድር እስካሁን ድረስ በጥርጣሬና በጥላቻ የሚመራ ስድብና የሚዲያ ‹‹ዜና›› ብቻ በቂ ማስረጃ ሆኖ ያለ ጥፋት ሲበየን፣ እስራት ሲፈረድና ‹‹ጊዜ ቀጠሮ›› እየተባለ እንግልት ሲደርስ በስፋት ይታወቃል፡፡ የስሜት ፍርድ ያልተጫነው እውነተኛ የሕግ አግባብ ጠፍቶ ለጅምላ ውንጀላና ለጅምላ ይቅርታ ሲዳርግም እንዲሁ፡፡ ይህ በዚህ ጊዜ በጭራሽ መደገም የለበትም፡፡ የፍትሕና የዳኝነት ሥርዓቱ ነፃነቱ በአግባቡ ተጠብቆ ከነበረበት አረንቋ ውስጥ መውጣት አለበት፡፡ ጠቅላይ ሚኒስትሩ ለኢትዮጵያ ሕዝብ በተደጋጋሚ እንደገለጹት፣ ከዚህ ዓይነቱ ጨለማ ውስጥ በመውጣት ኢትዮጵያን ወደ ታላቅነቷ መመለስ ጊዜ የማይሰጠው ታላቅ ተግባር ነው፡፡ ለዚህም ሲባል ማስተዋል ተገቢ ነው፡፡ ‹‹አስተውሎ የሚራመድ ካሰበበት ይደርሳል›› እንደሚባለው፣ የለውጡ ጉዞ ስኬታማ መሆን የሚችለው ለጥንቃቄ ልዩ ትኩረት ሲሰጥ ነው፡፡ ኢትዮጵያዊያን ወጣቶች የነገዋን ባለ ተስፋ አገር መሠረት ለመጣል ሲሹ፣ ከስሜታዊነት ይልቅ ለምክንያታዊነት በቂ ሥፍራ መስጠት አለባቸው፡፡ የጥንቃቄ መነሻም ይኸው ነው፡፡

ዘወትር እንደምንለው ኢትዮጵያ በርካታ መልካም አጋጣሚዎች ያመለጧት ከጥንቃቄ ጉድለትና ከጥድፊያ ነው፡፡ ጥንቃቄ የጎደለው ዕርምጃ ጥድፊያ ሲታከልበት ውጤቱ ተያይዞ መውደቅ ነው፡፡ ሕዝብ ሰከን ብሎ መሪው በማስተዋልና በመረጋጋት ወደሚፈልገው እንዲወስደው ማገዝ አለበት፡፡ የአገር ግንባታውና ነፃ ማኅበረሰብ የመፍጠር ጉዞው እንዳይደናቀፍ ለጥንቃቄ ትልቅ ዋጋ መስጠት ይገባል፡፡ ባለፈው ቅዳሜ ምኑም ባለየለት ቅጽበታዊ የአደጋ ወቅት ለሕይወታቸው ሳይሳሱ የጠቅላይ ሚኒስትሩን ሕይወት ለመታደግ የተረባረቡ ወጣቶች፣ የነገዋ ኢትዮጵያ ስለምታስፈልጋቸው ነበር ያንን ወደር የሌለው ቁርጠኝነት ያሳዩት፡፡ የነገዋ የበለፀገችና ዴሞክራሲያዊት ኢትዮጵያ ዕውን መሆን የምትችለው ደግሞ በሕዝብ መካከል ቁርሾ እንዳይፈጠር በማድረግ፣ ከልዩነት ይልቅ አንድነትን በማፅናት፣ ስሜት ወለድ የሆኑ አሉባልታዎችንና ሐሜቶችን ከማሠራጨት በመቆጠብ፣ በአፍ ብቻ ሳይሆን በተግባር ጭምር አገር በመውደድና የፍትሕና የርትዕ ጠበቃ በመሆን ነው፡፡ ይኼንን ማሳካት ሲቻል ታላቅ አገርና ታላቅ ሕዝብ የመሆን ምኞት በተግባር ይረጋገጣል፡፡ ይህ ምኞት በገቢር እንዲታይ ከላይ እስከ ታች ጥንቃቄ ያስፈልጋል!

Kenya presidents Facebook, Twitter

Millions of social media followers of Kenyan president Uhuru Kenyatta are unable to access his official accounts as at Friday morning (March 22).

The official reason for the ‘blackout’ on Twitter and Facebook was due to both accounts having been compromised, Kenyatta’s Chief of Staff confirmed.

“On

Millions of Facebook passwords exposed

The passwords of millions of Facebook users were accessible by up to 20,000 employees of the social network, it has been reported.

Security researcher Brian Krebs broke the news about data protection

Google unveils game streaming service

Google announced on Tuesday a browser-based video game streaming service dubbed Stadia that attempts to capitalize on the company’s cloud technology and global network of data centers.

The technology allows users to play games through their internet browser without waiting for content to be downloaded to a

2019 Templeton prize winner weighs in

He is an agnostics who does not believe in God. But this professor of physics and astronomy at Dartmouth College refused to write off the possibility of the existence of God.

Professor Marcelo Gleiser told AFP, Atheism is inconsistent with scientific method. Gleiser was born in Rio de Janeiro, and has been in the United States

Wounded Orangutan rescued in Indonesia

On the Indonesian Island of Sumatra, Orangutans are considered a threat to farmers. Hope, a 30-year-old Orangutan female, has suffered from this terrible reality.

She was found in critical condition with her one-month-old baby after receiving 74 bullets from a compressed air gun under a jack-fruit tree in a plantation owned by a

US detects huge meteor explosion

A huge fireball exploded in the Earth's atmosphere in December, according to Nasa.

The blast was the second largest of its kind in 30 years, and the biggest since the fireball over Chelyabinsk in Russia six years ago.

But it went largely unnoticed until now because

Christchurch shootings: Social sites

Facebook says it has deleted more than 1.5 million copies of the video of the mosque attacks in New Zealand in the first day after the incident.

In a tweet, it said that 1.2 million of those copies were blocked while they were being

Backlash over biased foreign media

Soon on Sunday (March 7) after the crash Ethiopia Airlines crash in Bishoftu, the Associated Press, AP, came in for flak for seemingly prioritizing non-Africans in a tweet announcing that there were no survivors from the crash.

Many social media users called them out for being insensitive especially when Kenya for example suffered the

Entrepreneur uses bicycle to make

In Ivory Coast, Dana Mroueh’s chocolate factory is a rarity – and not only because the world’s top cocoa grower produces precious little finished chocolate.

In the middle of the floor of her company Mon Choco’s factory sits a grinding bike, surrounded by large trays of carefully sorted cocoa

South Americas first solar thermal

In the middle of the Atacama Desert in northern Chile, the first solar thermal power plant in Latin America emerges from the ground.

A 250-metre high tower surrounded by thousands of giant mirrors, the power plant allows continuous electricity production, unlike conventional renewable energy forms.

The project named Cerro